काठमाडौँ । नेपाली कांग्रेसको शेरबहादुर देउवा पक्षले १४ औं महाधिवेशनका निर्वाचित पदाधिकारीहरु सहित नवनिर्वाचित सांसदहरुको बैठक बोलाएको छ ।

पार्टीका कार्यबाहक सभापति पूर्णबहादुर खड्का र नेता शेखर कोइरालाले कांग्रेसका नवनिर्वाचित सांसदलाई बधाईसहितको कार्यक्रम आयोजना गरेका छन् ।

आज दिउँसो १२ बजे धुम्बाराहीको स्मार्ट होटलमा प्रतिनिधि सभामा निर्वाचित सांसदहरुलाई बधाईका लागि बोलाइएको हो ।

यसमा नेपाली काँग्रेसका शीर्ष नेताहरू पनि सहभागी हुने बताइएको छ ।