काठमाडौँ । प्रतिनिधि सभाको आजको बैठकले राष्ट्रिय सभामा उत्पत्ति भएको चलचित्र विधेयक २०८२ सर्वसम्मतिले स्वीकृत गरेको छ ।

राष्ट्रिय सभामा उत्पत्ति भएको चलचित्र विधेयक २०८२ माथि भएको छलफलमा उठेका विषयमा जवाफ दिँदै सूचना तथा सञ्चारमन्त्री डा. विक्रम तिमिल्सिनाले पर्याप्त छलफल गरेर विधेयकलाई बलियो र समयसापेक्ष बनाएर अगाडी बढ्न सकिने बताए ।

उहाँले यस अघिको सरकारले ल्याएको र राष्ट्रिय सभामा उत्पत्ति भएकाले चलचित्र विधेयकमा अहिलेको सरकारले कुनै पनि विषय समावेश नगरेको र विधेयकमाथिको छलफलमा उठेका विषयमा ध्यानाकर्षण भएको बताए ।

विधेयक माथिको सैद्धान्तिक छलफलमा सांसदहरुले चलचित्र क्षेत्र र कलाकारले भोग्नु परिरहेका समस्या समाधान गर्ने विषयमा विधेयकले ध्यान दिनुपर्नेमा मन्त्री तिम्सिनाले जोड दिए ।

सांसदहरुले समावेशी फिल्म निर्माणमा ध्यान दिनुपर्ने, चलचित्र जाँचबुझ आयोग प्रभावकारी बनाइनुपर्ने, कलाकारको योगदानलाई सम्मान गर्ने गरी कानुन निर्माण हुनुपर्ने बताए ।

बैठकमा सभामुख अर्यालले विधेयकमाथि संशोधन राख्न चाहने सांसदहरुले संघीय संसद् सचिवालयको विधेयक शाखामा गएर संशोधन राख्न सक्ने जानकारी गराए ।