वाशिंगटन । आइसले उज्बेकिस्तानबाट आएका अवैध आप्रवासी एवं आतंकवादी आरोपी ट्रक चालक अखरोर बोजोरोभलाई पक्राउ गरेको अमेरिकी अध्यागमन तथा भन्सार प्रवर्तन विभाग (डिएचएस)ले पुष्टि गरेको छ ।

व्यावसायिक ट्रक चालकको रूपमा काम गर्न थालेका कागजपत्र बिहिन आप्रवासी अखरोर बोजोरोभलाई आतंकवादसँगको सम्बन्धको आरोपमा पक्राउ गरिएको संघीय अधिकारीहरूले सोमबार बताएका हुन् ।

३१ वर्षीय अखरोर बोजोरोभ उज्बेकिस्तानका हुन्, जहाँ अधिकारीहरूले २०२२ मा आतंकवादी संगठनसँग सम्बन्धित भएको आरोपमा उनको गिरफ्तारी वारेन्ट जारी गरेका थिए, अमेरिकी अध्यागमन तथा भन्सार प्रवर्तनले जनाएको छ। उज्बेकिस्तानका अधिकारीहरूले उनलाई अनलाइन जिहादको लागि आह्वान गर्ने आतंकवादी प्रचार वितरण गर्ने र जिहाद आन्दोलनमा सामेल हुन आतंककारीहरूलाई भर्ती गरेको आरोप लगाएका थिए।

आइसले नोभेम्बर ९ मा बोजोरोभलाई व्यावसायिक ट्रक चालकको रूपमा काम गरिरहेको बेला पक्राउ गरेको थियो। आइसले भनेको छ कि, बोजोरोभलाई पेन्सिलभेनियामा व्यावसायिक चालक अनुमतिपत्र (सीडिएल) जारी गरिएको थियो, साथै उनलाई बाइडेन प्रशासन अन्तर्गत जनवरी २०२४ मा काम गर्ने अधिकार दिइएको थियो।

“बाइडेन प्रशासनले अखरोर बोजोरोभ – एक वान्टेड आतंकवादी – लाई देशमा रिहा मात्र गरेन, तर उनलाई गभर्नर शापिरोको पेन्सिलभेनियाले व्यावसायिक चालक अनुमतिपत्र पनि दिएको थियो,” गृह सुरक्षा विभागका सहायक सचिव ट्रिसिया म्याकलाघलिनले एक विज्ञप्तिमा भने। “यो भन्नु पर्दैन, तर आतंकवादी गैरकानूनी आप्रवासीहरूले अमेरिकाको राजमार्गहरूमा १८ पाङ्ग्रे सवारी साधन चलाउनु हुँदैन। बाइडेन र मेयोर्कासले अनगिन्ती आतंककारीहरूलाई हाम्रो देशमा आउन दिए।”