ट्रेण्डिङ्ग:
|सभापति शेरबहादुर देउवाको प्रस्तावमा काँग्रेस महाधिवेशन पुस २६ देखि २९ सम्म|एनआरएनए एकता सम्बन्धी सम्झौतापत्रमा हस्ताक्षर, अप्रिल भित्र १२ औं विश्व सम्मेलन गर्ने सहमति |एमाले महाधिवेशनः आठ जिल्लामा प्रतिनिधि टुंगो लाग्न बाँकी|एसिसी यु–१९ प्रिमियर कपः उपाधिका लागि नेपाल र युएईबिच प्रतिस्पर्धा|रास्वपा र विवेकशील साझाबिच पार्टी एकता|एनपिएलः  कर्णाली याक्सविरुद्ध काठमाडौँको जित|दक्षिणपूर्वी लुइसियानामा सीमा गस्तीको नेतृत्वमा आप्रवासन कारबाही सुरु हुदै|प्रधानमन्त्री सुशीला कार्कीको उपस्थितिमा एनआरएनए दुई समुहको एकता घोषणा|१३ अर्बको शेयर एनआरएन तथा वैदेशिक रोजगारीमा रहेका नेपालीलाई दिने प्रस्ताव|आजका लागि तोकियो विदेशी मुद्राको विनिमयदर

नेपाल प्रिमियर लिग: कर्णालीविरुद्ध विराटनगर तीन विकेटले विजयी दोस्रो स्थानमा रहेको विराटनगरले यो जितसँगै पाँच खेलमा ८ अंक जोडेको छ। पाँच खेल खेल्दा एउटा खेल गुमाएको विराटनगर दोस्रो स्थानमा कायम छ। अपराजित सुदूरपश्चिम चार खेल खेल्दा आठ अंकसहित शीर्ष स्थानमा छ। चार खेलमा एक मात्र जित निकालेको कर्णाली भने दुई अंकसहित पाँचौं स्थानमा छ।  

काठमडौँ ।  नेपाल प्रिमियर लिग (एनपिएल)मा कर्णाली याक्सविरुद्ध विराटनगर किंग्सले सनसनीपूर्ण जित निकालेको छ। बसिर अहमेदको अर्धशतकमा विराटनगरले कर्णालीविरुद्ध सनसनीपूर्ण जित निकालेको हो। बसिरले ४३ बलको सामना गर्दा तीन चौका र तीन छक्काको मद्दतमा नटआउट ६२ रन बनाउनुभएको हो।

कर्णाली याक्सले विराटनगर किंग्सविरुद्ध दिएको  १६१ रनको लक्ष्य विराटनगरले एक बल बाँकी हुँदा ७ विकेटको क्षतिमा १६३ रन बनाउँदै पूरा गरेको हो। दुई बलमा चार रन आवश्यक परेको अवस्थामा बसिरले छक्का प्रहार गर्दै लक्ष्य पूरा गर्नुभएको हो।

विराटनगरको जितमा नारायण जोशीले २५ रन जोड्नुभयो भने साम हेजलेटले १६ रन बनाउँदा साहिल पटेल १९ रन जाड्नुभयो। अन्य कुनै पनि ब्याट्सम्यानले दोहोरो अंकमा रन जोड्न सक्नु भएन।

कर्णालीका लागि सोमपाल कामी, गुल्सन झाले दुईदुई विकेट, पवन सरार्फ नन्दन यादव र विलियम बसिस्टोले समान एकएक विकेट लिए पनि त्यो कर्णालीका लागि पर्याप्त भएन।

टस जितेर सरुमा ब्याटिङ गरेको कर्णालीले पूरै २० ओभर खेल्दै तीन विकेटको क्षतिमा १६० रन बनाएको थियो।

कर्णालीका लागि प्रियाक पञ्चालले अर्धशतक बनाउनुभएको थियो। ४७ बलको सामना गर्दा ६ चौका र दुई छक्काको मद्दतमा उहाँले ६३ रन बनाउनुभएको हो। विलियम बसिस्टो अर्धशतक बनाउन दुई रनले चुक्नुभयो। उहाँले ४८ बलमा ४८ रन बनाउनुभएको हो। गुल्सन झाले १० बलको सामना गर्दा दुई चौका र एक छक्काको मद्दतमा २० रन जोड्नुभएको थियो।

कर्णालीलाई सस्तैमा समेट्न विराटनगरका लागि मर्चेन्ट डी लेङगा र सन्दीप लामिछानेले एकएक विकेट हात पर्नुभयो।

दोस्रो स्थानमा रहेको विराटनगरले यो जितसँगै पाँच खेलमा ८ अंक जोडेको छ। पाँच खेल खेल्दा एउटा खेल गुमाएको विराटनगर दोस्रो स्थानमा कायम छ। अपराजित सुदूरपश्चिम चार खेल खेल्दा आठ अंकसहित शीर्ष स्थानमा छ। चार खेलमा एक मात्र जित निकालेको कर्णाली भने दुई अंकसहित पाँचौं स्थानमा छ।

  himalayanvoice.com | १३ मंसिर २०८२, शुक्रबार ११:५४

प्रतिक्रिया

SanDiegoVille: The Boil Daddy Bringing Cajun Seafood To San Diego's Liberty StationNanking Indian Restaurant -Artesia, CA | Order Online