काठमाडौं । नेपाली कांग्रेसले आज संसदीय दलको नेता चयन गर्ने भएको छ । सर्वोच्च अदालतले सभापति गगन थापा नेतृत्वको कार्यसमितिलाई मान्यता दिएपछि पार्टीले आज संसदीय दलको नेता चयन प्रक्रिया अघि बढाएको हो ।

निर्वाचन कार्यतालिका अनुसार उम्मेदवारी दर्ता बिहान ११ बजेदेखि १२ बजेसम्म हुनेछ भने मतदान भने अपरान्ह ४ बजेदेखि ५ बजेसम्म हुनेछ । दलको नेतृत्वका लागि अर्जुननरसिंह केसी, मोहन आचार्य र भीष्मराज आङ्देम्बे मुख्य प्रतिस्पर्धीका रूपमा देखिएका छन्।

प्रतिनिधिसभामा रहेका नेपाली कांग्रेसका ३८ सांसदले संसदीय दलको नेता चयनका लागि मतदान गर्नेछन् ।