बाटोन । लुजियानाका प्रहरी प्रमुखकी श्रीमती सामूहिक आप्रवासन भिसा ठगी योजनामा संलग्न भएको आरोपमा पक्राउ गरिएको राज्य प्रहरीले बिहिबार पुष्टि गरेको छ।

सानो शहर ओकडेलकी पूर्व कर्मचारी एलिसन डोयललाई कार्यालयमा भएको दुईवटा भ्रष्टाचारको आरोप लगाइएको छ। राज्य प्रहरीले डोयलले स्थानीय व्यवसाय मालिक चन्द्रकान्त “लाला” पटेलसँग मिलेर षड्यन्त्र रचेको आरोप लगाएको छ ।डोयललाई अधिकारीहरूले भिसा ठगी कार्यमा मुख्य व्यक्तित्व भएको बताएका छन् । उनलाई शहरको स्वामित्वमा रहेका दुई सम्पत्तिहरूको लागि ‘बोल कबोल प्रक्रियामा हेरफेर गरेको आरोप लगाइएको छ।

डोयलको कथित अपराध अध्यागमन भिसा ठगीसँग सम्बन्धित छ कि छैन भन्ने कुरा स्पष्ट छैन। यद्यपि, डोयलका पति र पटेल दुवै यस हप्ता पक्राउ परेका पाँच जनामध्य थिए डोयलको कथित अपराध क्षेत्रको अध्यागमन भिसा ठगीसँग सम्बन्धित छ कि छैन भन्ने कुरा स्पष्ट छैन।

यद्यपि, डोयलका पति र पटेल दुवै यस हप्ता पक्राउ परेका पाँच जनामध्ये थिए । उनीहरुलाई लगभग दशक लामो षड्यन्त्रमा उनीहरूको भूमिका रहेको असंकामा पक्राउ गरिएको थियो। जसमा साना शहरका प्रहरी प्रमुखहरूलाई सयौं गैर-नागरिकहरूलाई सशस्त्र डकैतीमा पिडित भएको भन्दै झूटा प्रहरी रिपोर्ट दर्ता गरि ५,००० अमेरिकी डलरमा उपलब्ध गराएको आरोप छ ।

नक्कली प्रहरी रिपोर्टहरू आप्रवासीहरूलाई बेचिनेछ जसले तिनीहरूलाई विशेष भिसा कार्यक्रमको लागि आवेदन दिन प्रयोग गर्नेछन् । प्रहरी रिपोर्टहरूकेही अपराध पीडितहरू र उनीहरूका परिवारहरूलाई अमेरिकी नागरिकताको बाटो प्रदान गर्न सक्छ।

संघीय एजेन्सीहरुको सुक्ष्म अनुसन्धानको परिणामस्वरूप, पटेल र ओकडेल प्रहरी प्रमुख चाड डोयल, फरेस्ट हिल प्रहरी प्रमुख ग्लिन डिक्सन, ग्लेनमोराका पूर्व प्रहरी प्रमुख टेबो ओनिशिया र ओकडेलका मार्शल माइकल “फ्रेक” स्लेनीलाई पक्राउ गरिएको हो ।

डोयल र स्लेनीले बिहीबार प्रतिरक्षा वकिल नियुक्त गरेको जानकारी प्राप्त भएपनि तर अदालतको रेकर्ड अनुसार उनको प्रतिनिधित्व कसले गर्ने भन्ने स्पष्ट छैन।

बुधबार ठगी बारे सरकारी वकिल अलेक्ज्याण्डर भान हुकले भने, ‘स्वीकृत भिसाका लागि सयौं नामहरू छन ।’

यद्यपी नक्कली कागजात प्रस्तुत गरि भिसा प्राप्त गरेको आरोप लागेका आप्रवासीहरूलाई के हुनेछ कानुनत: स्पष्ट छैन। उक्त ठगि सार्वजनिक भए लगत्तै अमेरिकी गृह सुरक्षा विभाग, (होमल्याण्ड सेक्युरिटी) ले आप्रवासन प्रणालीको अखण्डतालाई दुरुपयोगबाट जोगाउन र यसको शोषण गर्नेहरूलाई जवाफदेही बनाउन विभाग प्रतिबद्ध छ भनेको छ।

अमेरिकी नागरिकता तथा आप्रवासन सेवाद्वारा प्रकाशित कार्यक्रमको विवरणमा आधारित, विशेष भिसा, जसलाई यु भिसा भनिन्छ, निश्चित अपराधका पीडित र आपराधिक गतिविधिको अनुसन्धान वा अभियोजनमा कानून प्रवर्तन वा सरकारी अधिकारीहरूलाई सहयोग गर्ने व्यक्तिहरूका लागि छुट्याइएको भिषा हो ।

सेप्टेम्बर ३०, २०२२ मा अन्त्य अर्थात् करिब १२ महिनाको अवधिमा लगभग १०,००० मानिसहरूले यस्ता भिसा पाएका थिए ।