न्युयोर्क। ट्रम्प प्रशासनले अभिभावकद्वारा दुर्व्यवहार, बेवास्ता वा त्यागिएका आप्रवासी बालबालिकाहरूको संरक्षण र सुरक्षा अस्विकार गरेपह्ची बालबालिकाहरूको प्रतिनिधित्व गर्ने कानुन ब्यावसायीहरूले बिहीबार संघीय अदालतमा उनीहरूको निर्वासन सुरक्षा पुनर्स्थापित गर्न आग्रह गर्दै मुद्धा दायर गरेका छन्।

न्यूयोर्कको पूर्वी जिल्लामा दायर गरिएको मुद्धा नौ युवाहरू र उनीहरूका कानुनी अधिवक्ताहरूको तर्फबाट दायर गरिएको थियो जसले लगभग १,५०,००० लाभार्थीहरूको लागि निर्वासन सुरक्षा पुनर्स्थापित गर्नेछ ।

राष्ट्रिय आप्रवासन परियोजनाकी वादी वकिल राहेल डेभिडसनले भनिन्, ‘यी युवाहरू दुर्व्यवहार, परित्याग र बेवास्ताबाट बचेका छन् तर अहिले उनीहरूलाई सुरक्षित राख्ने वाचा गरेका एजेन्सीहरूबाट हिरासत र देश निकालाको निरन्तर धम्की आउन थालेकोले पुन: आघात भोगिरहेका छन्।’

अभिभावकीय दुर्व्यवहार, बेवास्ता वा परित्याग भोगेका आप्रवासी बालबालिकाहरूलाई राज्य अदालतहरू र संघीय सरकार मार्फत विशेष आप्रवासी किशोर संरक्षण प्रदान गरिन्छ, जुन १९९० मा द्विदलीय समर्थनमा कांग्रेसद्वारा अनुमोदन गरिएको थियो।

जुनमा, ट्रम्प प्रशासनले एसआईजेएस लाभार्थीहरूको लागि निर्वासन सुरक्षा समाप्त गरेको थियो। एसआईजेएस लाभ बिना तिनीहरू अझै पनि भिसाको लागि अमेरिकामा पर्खन सक्छन् तर कामको अनुमति प्राप्त गर्न सक्दैनन्। र यदि तिनीहरू पर्खिरहेको बेला देश निकाला गरियो भने तिनीहरूअब कानुनत स्थायी बासिन्दा बन्न योग्य हुनेछैनन्।

जन्मसिद्ध नागरिकता अन्त्य गर्ने र सीमामा शरण रोक्ने राष्ट्रपति डोनाल्ड ट्रम्पको आप्रवासन प्रणाली सुधारको एक हिस्सा हो जसको उद्धेश्य मानिसहरूलाई अमेरिकामा गैर कानुनि रूपमा बसोबास गर्न अझ गाह्रो हुदै गएको छ । जसको कारण एसआईजेएस लाभ प्राप्त गरेका अभिभावकीय दुर्व्यवहार, बेवास्ता वा परित्याग भोगेका आप्रवासी बालबालिकाहरू समेत प्रत्यक्ष मारमा परेका छन् ।