वासिङ्टन । अमेरिकी गृह सुरक्षा विभाग (डिएचएस) ले एल साल्भाडोरका आप्रवासी किल्मार अब्रेगो गार्सियाको पक्षमा सामाजिक संजालमा व्यक्त गरिएको राजनीतिज्ञहरूको अभिव्यक्तिको निन्दा गरेको छ।

सोमबार, अमेरिकी अध्यागमन र भन्सार प्रवर्तन (आइस) अधिकारीहरूले संघीय आप्रवासन उल्लङ्घनमा दोषी देखिएका अब्रेगो गार्सियालाई पक्राउ गरेको हो। अब्रेगो गार्सियालाई अमेरिकाबाट युगान्डा पठाउने प्रक्रिया भइरहेको छ।

राजनीतिज्ञहरू एमएस-१३ गिरोहका सदस्य किल्मार अब्रेगो गार्सियाको पक्ष पोषण गर्दै सामाजिक सञ्जालमा अभियान सुरु गरेपछि डिएचएसले राजनीतिज्ञहरूको निन्दा गरेको हो ।

‘किल्मार अब्रेगो गार्सिया मेरील्याण्ड म्यान होइनन् र कहिल्यै हुने छैनन् – उनी एल साल्भाडोरबाट आएका अवैध आप्रवासी र सार्वजनिक सुरक्षा खतरा हुन्,” एक वरिष्ठ डिएचएस अधिकारीले भने। “यो पागलपन हो कि राजनीतिज्ञहरूले अमेरिकी नागरिकहरूको सुरक्षाको बारेमा एमएस-१३ गिरोह सदस्यको महिमा गर्नु राजनीतिक धर्म सम्झिए। राष्ट्रपति ट्रम्प र सचिव नोएमले यी अवैध आप्रवासीलाई अमेरिकी नागरिकहरूलाई आतंकित गर्न अनुमति दिने छैनन्।’

सोमबार, सचिव क्रिस्टी नोएमले आइसद्वारा अवैध आप्रवासी किल्मार अब्रेगो गार्सियालाई पक्राउ गरिएको पुष्टि गरिन ।