लस-एन्जलस । अमेरिकमा बसेर मानव सेवामा निरन्तर समर्पित शारदा श्रेष्ठको संयोजनमा क्यालिफोर्निया राज्यको लस-एन्जलस र सान फ्रान्सिस्कोमा बसोस्बस गर्ने रक्तदाताहरुलाई संगठित रुपले अभिप्रेरित गर्न ब्लड डोनर अफ अमेरिका स्थानिय च्याप्टर गठन गरिएको छ ।

दक्षिण क्यालिफोर्निया र उत्तर क्यालिफोर्नियाका नेपाली समुदायको हितमा केन्द्रित रहेर ब्लड डोनर अफ अमेरिका स्थानिय च्याप्टर गठन गरिएको समाजसेवी शारदा श्रेष्ठले जानकारी दिनु भएको छ ।

श्रेष्ठकाअनुसार दक्षिण क्यालिफोर्निया शम्भु सिवाकोटी ‘पीएमपी’को नेतृत्वमा ७ सदस्य कार्यसमिति गठन गरिएको छ ।

उत्तर क्यालिफोर्नियाकाका लागि राजन  कडेल अध्यक्ष रहेको ७ सदस्य कार्यसमिति चयन गरिएको छ ।

नवगठित कार्य समितिलाई ब्लड डोनर अफ अमेरिकाका उपाध्यक्ष शारदा श्रेष्ठले मानव सेवामा केद्रित रहेर रक्तदान कार्यमा नेपली समुदायलाई अभिप्रेरित गर्न कार्यकालको शुभकामना व्यक्त गर्नु भएको छ ।