ट्रेण्डिङ्ग:
|सभापति शेरबहादुर देउवाको प्रस्तावमा काँग्रेस महाधिवेशन पुस २६ देखि २९ सम्म|एनआरएनए एकता सम्बन्धी सम्झौतापत्रमा हस्ताक्षर, अप्रिल भित्र १२ औं विश्व सम्मेलन गर्ने सहमति |एमाले महाधिवेशनः आठ जिल्लामा प्रतिनिधि टुंगो लाग्न बाँकी|एसिसी यु–१९ प्रिमियर कपः उपाधिका लागि नेपाल र युएईबिच प्रतिस्पर्धा|रास्वपा र विवेकशील साझाबिच पार्टी एकता|एनपिएलः  कर्णाली याक्सविरुद्ध काठमाडौँको जित|दक्षिणपूर्वी लुइसियानामा सीमा गस्तीको नेतृत्वमा आप्रवासन कारबाही सुरु हुदै|प्रधानमन्त्री सुशीला कार्कीको उपस्थितिमा एनआरएनए दुई समुहको एकता घोषणा|१३ अर्बको शेयर एनआरएन तथा वैदेशिक रोजगारीमा रहेका नेपालीलाई दिने प्रस्ताव|आजका लागि तोकियो विदेशी मुद्राको विनिमयदर

प्रधानमन्त्रीको भारत भ्रमणको गृहकार्य

काठमाडौँ । प्रधानमन्त्री केपी शर्मा ओलीको भारत भ्रमणको तयारी भइरहेको छ । परराष्ट्र मन्त्रालयले प्रधानमन्त्री ओलीको भ्रमणको तयारी अघि बढाएको हो । 

मन्त्रालयले के के विषयमा छलफल हुने भन्ने विषयमा पनि गृहकार्य गरिरहेको छ । परराष्ट्र मन्त्रालयका प्रवक्ता लोकबहादुर पौडेल क्षेत्रीले भन्नुभयो, “प्रधानमन्त्रीको भारत भ्रमण अपेक्षित नै हो । अब भ्रमण हुन्छ भन्न सकियो । भ्रमण हुने निश्चित पनि भयो । मन्त्रालयले भ्रमणको तयारीका सन्दर्भमा गर्नुपर्ने काम सुरु गरिसकेको छ । भ्रमणको मिति, कार्यतालिका र छलफलका विषय एवं प्रस्ताव उपयुक्त समयमा सार्वजनिक गरिने छ ।”

यसै गरी भारतका लागि नेपाली राजदूत डा. शङ्कर शर्माले दिल्लीस्थित नेपालको राजदूतावास र काठमाडौँस्थित भारतीय राजदूतावासबिच प्रधानमन्त्री ओलीको भारत भ्रमणका सन्दर्भमा समन्वय भइरहेको जानकारी दिनुभयो । उहाँले भन्नुभयो, “नेपाल र भारतबिचको सम्बन्धलाई अझै प्रगाढ बनाउने र द्विपक्षीय हितलाई दृष्टिगत गरी प्रधानमन्त्रीको भ्रमण हुने गरी समन्वय भइरहेको छ ।”

यसअघि प्रधानमन्त्रीमा नियुक्त भएपछि ओलीको विदेश भ्रमण आरम्भ अमेरिकाबाट भएको थियो । उहाँले २०८१ असोज ४ देखि १३ गतेसम्म अमेरिका भ्रमण गरी संयुक्त राष्ट्रसङ्घीय महासभालाई सम्बोधन गर्नुभएको थियो ।

भारत भ्रमणको तयारी विभिन्न चरणमा भए पनि भारत–पाकिस्तान तनाव, पहलगाम हमलासहितका कारणले ढिलाइ भएको हो तर प्रधानमन्त्री ओली र भारतका प्रधानमन्त्री नरेन्द्र मोदीबिच विदेश भ्रमणका क्रममा ‘साइडलाइन’ संवाद हुँदै आएको छ ।

  himalayanvoice.com | ६ श्रावण २०८२, सोमबार १२:५५

प्रतिक्रिया

SanDiegoVille: The Boil Daddy Bringing Cajun Seafood To San Diego's Liberty StationNanking Indian Restaurant -Artesia, CA | Order Online