काठमाडौँ । नेपाली काँग्रेसको भ्रातृ संस्थाका महाधिवेशन निर्देशन समिति पदाधिकारीसँग बसेको सभापति शेरबहादुर देउवासहितको बैठकले अधिवेशन गर्नेबारे बनाइएको निर्देशिका पारित गरेको छ ।

देउवासहित उपसभापति पूर्णबहादुर खड्का, उपसभापति धनराज गुरुङ, महामन्त्रीद्वय गगन थापा र विश्वप्रकाश शर्मालगायत शीर्ष तहको बैठकले निर्देशिका पारित गरेको प्रचार विभाग प्रमुख मीन विश्वकर्माले बताए ।

काँग्रेसका ७ भ्रातृ संस्थाहरूलाई पटक पटक महाधिवेशन गर्न म्याद थप गर्दा पनि नसकेपछि पार्टीले निर्देशन समिति बनाएको थियो ।

बैठकपछि उनले भने, ‘निर्देशन समिति र पार्टीका पदाधिकारीहरूको संयुक्त बैठक अधिवेशन सम्पन्न गर्नको लागि निर्देशन समितिले गर्नुपर्ने काम, कर्तव्य र अधिकारसम्बन्धी विषयमा एउटा निर्देशिका तयार भएको छ ।’

बैठकमा आएका सुझावलाई समेटेर निर्देशिका पारित गरेको हो । महाधिवेशन गर्न नसक्ने तरुण दल सहमहामन्त्रीमा डीना उपाध्याय, नेविसंघ सहमहामन्त्रीमा किशोरसिंह राठोर, महिला संघमा डा। प्रकाशशरण महत, दलित संघ सहमहामन्त्री जीवन परियार निर्देशन समितिको संयोजक छन् ।

यस्तै, लोकतान्त्रिक खेलकुद संघमा मोहन बस्नेत, किसान महासंघमा रमेश रिजाल र थारू संघमा उदयशम्शेर राणा संयोजक छन् ।