काठमाडौं । नेकपा एमालेको ११औँ महाधिवेशनबाट अध्यक्षमा केपी शर्मा ओली विजयी हुनुभएको छ । प्रतिस्पर्धी ईश्वर पोखरेललाई फराकिलो मतान्तरले हराउँदै ओलीले तेस्रोपटक अध्यक्षमा विजयी हुनुभएको हो । निर्वाचन आयोगले दिएको पछिल्लो विवरण अनुसार अध्यक्षका उम्मेदवार केपी र्मा ओलीले १६ सय ६३ मत प्राप्त गर्नुभएको हो ।

उपाध्यक्षमा सर्वाधिक लोकप्रिय मतसहित पृथ्वीसुब्बा गुरुङ विजयी हुनुभएको छ । ५ उपाध्यक्षका लागि लोकप्रियता मतका आधारमा क्रमशः विष्णु पौडेल, रामबहादुर थापा बादल, गोकर्णराज विष्ट र रघुजी पन्त निर्वाचित हुनुभएको छ । केपी शर्मा ओली प्यानलका गुरु बराल उपाध्यक्षमा पराजित हुनुभएको हो ।

त्यसैगरी महासचिवमा प्रतिस्पर्धी सुरेन्द्र पाण्डेलाई पराजित गर्दै शंकर पोख्रले विजयी हुनुभएको छ ।

त्यस्तै उपमहासचिवमा लेखराज भट्ट, रघुवीर महासेठ र योगेश भट्टराई विजयी हुनुभएको छ । लेखराज भट्टले १४५२, रघुवीर महासेठले १३६८ र योगेस भट्टराई १३४८ मत ल्याएर विजयी हुनुभएको हो । भट्ट र महासेठ केपी शर्मा ओली प्यानलबाट विजयी हुनुभएको हो भने भट्टराई ईश्वर पोखरेलको प्यानलबाट निर्वाचित हुनुभएको हो ।