काठमाडौँ । प्रतिनिधिसभाको उपसभामुख पदको निर्वाचनमा श्रम संस्कृति पार्टीका सांसद रुबीकुमारी ठाकुर निर्वाचित हुनुभएको छ । 

प्रतिनिधि सभाका सभामुख डोल प्रसाद अर्यालले ठाकुरलाई उपसभामुख निर्वाचित गरियोस् भन्ने प्रस्ताव निर्णयार्थ पेस गर्दा उहाँको पक्षमा जम्मा २२९ मत खसेको थियो भने विपक्षमा ५ मत र तटस्थमा २२ मत खसेको थियो ।

सभामुख अर्यालले ठाकुरको प्रस्ताव बहुमतले स्वीकृत भएको घोषणा गर्दै उपसभामुखमा निर्वाचित भएको घोषणा गर्नुभयो । आजको प्रतिनिधिसभा बैठकमा २५६ जना सांसद उपस्थित हुनुहुन्थ्यो ।

उपसभामुख पदको निर्वाचनमा राप्रपाकी सांसद सरस्वती लामाले जम्मा ५ मत प्राप्त गर्नुभएको थियो । लामाको विपक्षमा २१५ मत र तटस्थमा ३७ मत परेको थियो ।