काठमाडौं । सर्वोच्च अदालतले गगन थापा नेतृत्वको विशेष महाधिवेशनले चयन गरेको नेपाली कांग्रेसको नेतृत्वलाई वैधानिकता दिने निर्णय सदर गरेको छ ।

शुक्रबार न्यायाधीश सारंगा सुवेदी र नृपध्वज निरौलाको इजलासले विशेष महाधिवेशनलाई वैधानिकता दिने निर्वाचन आयोगको निर्णय सदर गरेको हो।

सर्वोच्चले निवेदक तत्कालीन सभापति शेरबहादुर देउवा र पूर्णबहादुर खड्काको रिटलाई खारेज गरेको छ। शुक्रबार रिट निवेदक पक्ष र विपक्षका वकिलहरूले बहस गरेका थिए।

देउवा र खड्काको कार्यसमिति खारेज भएसँगै विशेष महाधिवेशनबाट चुनिएको कार्यसमितिलाई नै सर्वोच्चले आधिकारिकता दिएको हो। बिहीबारदेखि सुरु भएको सुनुवाइ शुक्रबार सकिएको थियो।

गत पुसमा थापा नेतृत्वले गरेको विशेष महाधिवेशनलाई निर्वाचन आयोगले मान्यता दिएको थियो।