उस्ताज नै रहेछौ तिमी,
प्रेम गीतका सुरतालहरूमा ।
खेल पात्र नै रहेछौ तिमी,
माया पिरतीका खेलहरुमा ।
प्रेमिल जीवन पूर्वार्धहरूलाई
सुमधुर बनाइदियौ
पिरतीको संगीतले
फेरि,
खण्डित बनायौ वर्गभेदले
अब त केवल,
शब्दमा छौ ।
यादमा छौ ।
यादका शब्दहरू प्रिय संगीतमा मिलाउनु
स्वरमा मिलाउनु, तालमा मिलाउनु
गमकमा मिलाउनु, मुर्कीमा मिलाउनु
गिजोलिएका यादका शब्दहरू
कर्णप्रिय गीतको स्थायी बनाउनु
तपसिल स्थायी,
“चौतारीमा भेट्न अब छोडिदिए हुन्छ।
कहीँ कतै भेट्दा नजर मोडिदिए हुन्छ।”

-अर्जुन वेदना राई
इलाम