काठमाडौं । मधेश प्रदेशका मुख्यमन्त्री सरोजकुमार यादवविरुद्ध दायर रिटमा आज सर्वोच्च अदालतले फैसला सुनाउदै छ । सात दलले यादवको नियुक्ति संविधानविरुद्ध भएको भन्दै रिट दायर गरेका थिए। मंसिर ३ गते न्यायाधीश नहकुल सुवेदी र सुनिलकुमार पोखरेलको इजलासले विपक्षीहरूबाट लिखित जवाफ माग्दै मंसिर ११ गते अन्तिम सुनुवाइ गर्ने आदेश गरेको थियो।

संविधानको धारा १६८(३) अनुसार यादवको नियुक्ति चुनौती दिँदै ७४ सांसद सर्वोच्च पुगेका छन्। मुद्दा टुंगो नलागेसम्म नीतिगत तथा दीर्घकालीन निर्णय नगर्न सर्वोच्चले मुख्यमन्त्री यादवलाई निर्देश दिएको छ।

मुख्यमन्त्री नियुक्ति विवादपछि सात दलले मधेश प्रदेशका सभामुख रमचन्द्र मण्डललाई दुई–तिहाइले पदमुक्त गरेका छन्, भने तत्कालीन प्रदेश प्रमुख सुमित्रा भण्डारीलाई संघीय सरकारको सिफारिसमा राष्ट्रपति रामचन्द्र पौडेलले पदमुक्त गर्नुभएको छ।