काठमाडौँ । नेपाली काँग्रेसका महामन्त्री द्वयको अगुवाइमा आजदेखि काठमाडौँको भृकुटीमण्डपमा भइरहेको विशेष महाधिवेशन प्रक्रियाअन्तर्गत अहिले साँझ ५ः३० बजेसम्म दुई हजार १२० प्रतिनिधिले नाम दर्ता गर्नुभएको छ ।

काँग्रेसको विशेष महाधिवेशन पक्षधर समूहको आयोजनामा भइरहेको दुई दिने महाधिवेशनको पहिलो दिन आज यहाँ आठ वटा ‘स्टल’बाट नाम दर्ता भइरहेको र सो क्रम अहिले पनि जारी रहेको विशेष महाधिवेशन जिल्ला क्षेत्र, ‘फोकल पर्सन’ समन्वय समितिका संयोजक युवराज पाण्डेयले जानकारी दिनुभयो ।

नेपाली काँग्रेस काठमाडौँका सभापति कृष्ण (सबुज) बानियाँको सभापतित्वमा सञ्चालन भएको उद्घाटन महामन्त्री द्वय गगन थापा र विश्वप्रकाश शर्माले संयुक्त रूपमा गर्नुभएको थियो ।

नेपाली काँग्रेसका नेताहरूको उद्घाटन सत्रका क्रममा मन्तव्य राख्ने र सहभागी महाधिवेशन प्रतिनिधिहरूले नाम दर्ता गर्ने क्रम अहिले पनि जारी छ ।