काठमाडौँ । नेकपा (एमाले) को सचिवालय बैठक च्यासलस्थित केन्द्रीय कार्यालयमा जारी रहेको छ । एमालेको प्रचार विभागलेले दिएको जानकारी अनुसार समसामयिक विषयमा छलफल भइरहेको जानकारी दिएका छन् । आजको सचिवालय बैठकमा पूर्वराष्ट्रपति विद्यादेवी भण्डारीको विषयले समेत औपचारिक रुपले प्रवेश पाएको छ ।
पार्टी स्रोतका अनुसार पार्टी अध्यक्ष एवं प्रधानमन्त्री केपी शर्मा ओलीले यो विषयमा आवश्यक छलफल हुने बताएका हुन् ।
एमाले राजनीतिमा फर्किएकी पूर्वराष्ट्रपति भण्डारीलाई आवश्यक जिम्मेवारी दिने विषयमा पनि आज छलफल भएको थियो ।
एमालेको साउन २ गते पोलिटब्युरो र साउन ५ गते केन्द्रीय कमिटीको बैठक बस्ने समय तय भएको छ । विधान महाधिवेशनको तयारीका लागि बस्न लागेको बैठकका एजेन्डा तय गर्न सचिवालय बैठक बसेको हो ।
