ललितपुर । द हिडन ट्रेजरले शनिबार आयोजना गरेको ३१ औं संस्करणको सौन्दर्य प्रतियोगितामा छब्बीस वर्षीया लुना लुइटेलले मिस नेपाल २०२५ को ताज पहिरिएकी छिन्। उनले २५ भन्दा बढी प्रतिस्पर्धीहरूलाई उछिन्दै प्रतिष्ठित मिस नेपाल वर्ल्डको उपाधि जितेकी हुन् ।

शनिबार ललितपुरको गोदावरीको सनराइज कन्भेन्सन सेन्टरमा सम्पन्न ग्रान्ड फिनालेमा मिस नेपालको ३१ औं संस्करणमा २५ सुन्दरीलाई पछि पार्दै लुना ‘मिस नेपाल वर्ल्ड’ बन्नुभएको हो। उहाँलाई पूर्वमिस नेपाल आस्मा कुमारी केसीले ताज लगाइदिनुभयो।

स्कुबा डाइभर पेशामा आवद्ध, लुना लुइँटेल १७ वर्षको उमेरमा नर्सिङ पढ्न अष्ट्रेलिया पुगिन र हाल सिड्नी विश्वविद्यालयबाट जनस्वास्थ्यमा स्नातकोत्तर अन्तिम बर्षमा अध्यनरत छिन्। उनी मिस टिन नेपाल २०१५ मा पहिलो रनर-अप पनि थिइन् र “सिक्नुहोस्, कमाउनुहोस्, र फिर्ता गर्नुहोस्” को दर्शनमा विश्वास गर्छिन्।

मिस अर्थ सोनी घले बन्दा मिस नेपाल इन्टरनेसनको ताज उरूषा भण्डारीले पाउनुभयो। हिडन ट्रेजरले आयोजना यो प्रतियोगिता सम्पन्न भएको हो।

प्रतियोगितामा शीर्ष १२ प्रतिस्पर्धीहरूका लागि प्रश्नोत्तर चरण समावेश थियो, जबकि अन्तिम चार – उरुषा भण्डारी, लुना लुइंटेल, सोनी घले र दीपशिखा नेपाल – लाई एउटा साझा प्रश्नको जवाफ दिन भनिएको थियो: “यदि तपाईं सौन्दर्य प्रतियोगिताहरूको बारेमा एउटा धारणा परिवर्तन गर्न सक्नुहुन्छ भने, त्यो के हुनेछ र किन?” निर्णायकहरूले आफ्नो अन्तिम निर्णय गर्नु अघि प्रत्येक फाइनलिस्टले आफ्नो दृष्टिकोण साझा गरे। कार्यक्रमको क्रममा धेरै उप-शीर्षकहरू पनि घोषणा गरिएको थियो।