काठमाडौँ । नेपाली कांग्रेसको केन्द्रीय कार्यसम्पादन समितिको बैठकले राष्ट्रिय सभा निर्वाचनमा अन्य दलसँग तालमेल गर्ने निर्णय गरेको छ।

कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार मङ्गलबार पार्टी केन्द्रीय कार्यालयमा बसेको बैठकले सो निर्णय गरेको छ ।

उहाँका अनुसार कार्यवाहक सभापति पूर्णबहादुर खड्काको सभापतित्वमा बसेको आजको बैठकमा राष्ट्रिय सभा सदस्य निर्वाचन २०८२ का सन्दर्भमा छलफल भएको छ ।

आजको बैठकमा महामन्त्री गगनकुमार थापा र सहमहामन्त्री फरमूल्लाह मन्सुर र जीवन परियारले आ–आफ्नो धारणा राख्नुभएको छ ।

कांग्रेस केन्द्रीय कार्यसम्पादन समितिको बैठक बुधबार बिहान ९ बजे पुनः बस्ने छ ।