लस-एन्जलस। नेपाली जनसम्पर्क समिति दक्षिण क्यालिफोर्निया च्याप्टर र गैर आवाशीय नेपाली संघ क्यालिफोर्निया च्याप्टरको सहकार्यमा ट्रंप प्रशासनको दिनहुँ परिवर्तन हुने अध्यगमन नीतिको मारमा परेका समुदायको हितमा कानुनी परामर्श सहितको अन्तरक्रिया गर्ने भएको छ ।

आगामी आइतबार, २२ फेब्रुवरीका दिन श्री पशुपतिनाथ बुद्ध मन्दिरको शभा हलमा साँझ ५:00 बजे देखि ७:00 बजेसम्म अध्यगमन कानुन विज्ञ लक्ष्मण अधिकारीको उपस्थितिमा बदलिदो अध्यागमन कानुन र समुदायमा परेको प्रभाव बारे अन्तरक्रिया कार्यक्रम गर्न लागिएको हो ।

यसै गरि सोहि दिनको अन्तरक्रिया कार्यक्रममा नेपाली जनसम्पर्क समिति दक्षिण क्यालिफोर्निया च्याप्टरले ट्रंप प्रशासनको बदलिदो कर नीति, ट्याक्स फाइल गर्दा अपनाउनु पर्ने सजगता र सुबिधा बारे कर विज्ञ राजेन्द्र सिवाकोटीको उपस्थितिमा समुदायको सरोकारलाई सम्बोधन गर्ने गरि अन्तरक्रिया कार्यक्रम गर्न लागिएको समितिका शभापति रामचन्द्र लामिछानेले जानकारी दिएका छन् ।

शभापति रामचन्द्र लामिछानेका अनुसार कागजपत्र बिहिन र ग्रीन कार्ड पथमा रहेका आप्रवासी समुदायलाई उचित कानुनी परामर्शको आवस्यकता महसुस गरेर समितिले समुदायको हितमा अध्यगमन विशेष कानुनी परामर्श कार्यक्रम गर्न लागेको हो । त्यसै गरि ट्याक्स फाइल गर्ने समय सुरु भएको र समुदायलाई ट्याक्स फाइल गर्दा आवस्यक परामर्श दिन सोहि दिनको कार्यक्रममा अमेरिकी करका जानकार निम्त्याएर अन्तरक्रिया कार्यक्रम गर्न लागिएको छ ।

लामिछानेले अध्यागमन नीतिमा आएको बदलावले प्रभाभित समुदायका सदस्यहरुलाई कार्यक्रममा सहभागी भएर कानुनी परामर्श लिन आग्रह गर्दै उक्त कार्यक्रममा सम्पूर्ण दक्षिण क्यालिफोर्निया बासीलाई निमन्त्रण गर्दै सहभागिताको लागि आग्रह गरेका छन् ।

अन्तरक्रिया कार्यक्रम गैर आवाशीय नेपाली संघ क्यालिफोर्निया च्याप्टरको सहकार्यमा नेपाली समुदायको हितमा गर्न लागिएको संघका उपाध्यक्ष तिलक रानाले जानकारी दिएका छन् ।

उपाध्यक्ष रानाका अनुसार यतिबेला आप्रवासी नेपाली समुदाय अध्यागमन धर पकडले चिन्तित छन् र उनीहरुलाई उचित कानुनी परामर्श आवस्यक रहेकोले गैर आवाशीय नेपाली संघ क्यालिफोर्निया च्याप्टरले नेपाली जनसम्पर्क समितिसंग सहकार्य गर्दै समुदायलाई आप्रवाशन सम्बन्धि चुनौती र कानुनी हकका बारेमा सजग गराउन कार्यक्रम गर्न लागिएको हो ।