काठमाडौँ । मंगलबार साँझ अवरुद्ध भएको मुग्लिन–नारायणगढ सडक खण्ड सञ्चालनमा आएको छ । चितवनको इच्छाकामना गाउँपालिका–५, तुइँखोलामा गएको पहिरोका कारण अवरुद्ध भएको सवारी आवागमन करिब दुई घण्टापछि पुनः सञ्चालनमा आएको छ।

चितवन जिल्ला प्रहरी कार्यालयका अनुसार पहिरोका कारण सडकमा थुप्रिएको माटो र ढुंगा हटाएपछि दुईतर्फी सवारी आवागमन सुचारु गरिएको हो।

पहिरोका कारण केही समयसम्म रोकिएको सडक अवरुद्ध हटाएपछि गाडी सहज रूपमा गुड्न थालेका छन्।

पहिरो पन्छाउन केही समय लाग्ने भन्दै लेन अनुशासन पालना गरी धर्य गरेर बस्न सडक डिभिजन कार्यालय भरतपुरले अनुरोध गरेको छ । यस ठाउँमा पटक पटक पहिरो खस्दा यात्रुले सास्ती भोग्दैआएका छन् ।