काठमाडौँ । साविक विजेता बेलारुसकी आर्यना सावालेन्काले युएस ओपन टेनिस उपाधि रक्षा गर्नुभएको छ ।

आइतबार भएको खेलमा फाइनलमा विश्व नम्बर एक सावालेन्काले घरेलु खेलाडी अमान्डा एमिसिमोभालाई २–० को सेटमा हराउनुभयो ।

वर्षको अन्तिम ग्राण्डस्लाम महिला एकलतर्फको उपाधि रक्षा गर्ने क्रममा उहाँले ६–३, ७–६ (७–३) को जित निकाल्नुभयो ।

यससँगै उहाँ सन् २०१४ पछि युएस ओपनको उपाधि रक्षा गर्ने पहिलो महिला खेलाडी बन्नुभएको छ । यसअघि अमेरिकाकी सेरिना विलियम्सले उपाधिमा ह्याट्रिक गर्नुभएको थियो ।